Kabanata 124

SYLVIA POV

Abot langit ang aking ngiti, alam kong mangyayari ang araw na ito pero kagaya ng kahilingan ni Michelle noong una hindi ko muna kinumpirma sa aking mga kasamahan ang bali-balita sa magaganap na pirmahan ngayong umaga, ayoko din kasing mapahamak na ipagsabing ok na ang lahat kahit ang totoo ay hindi pa naman maayos ang lahat. Gusto ko kung masabi ko man ang balitang ito sa aking mga kasamahang umaasa din ay nasigurado ko na ang pirmahan.

Kinakabahan pa ako ng mag-aalas nuwebe na ng umaga ay hindi pa din dumadating si Ms. Kim ayoko naman ding maghintay ang owner ng The Ligthen-Er Corporation . Ilang beses akong nagpabalik balik sa opisina ni Ms. Kim pero hindi pa rin ito dumadating sa tuwing sisilipin ko. Kaya naman tinawagan ko na din siya sa kanyang cellphone, hindi rin siya sumasagot sa tawag ko samantalang nauna naman na ang Attorney ni Ms Kim na dumating. Sinabihan ko siyang parating na din ang taga The Lighten-Er Corporation . Ito na ang kumontak kay Ms.Kim na kala