Chapter 32

KINABUKASAN ay maagang nagising si Dylan. Hindi na nag-isip pa ang binata at agad na tinawagan ang kaibigan na doctor at sinabing magpapa-prenatal paternity test ito. Gusto niyang malaman kung totoo ba talaga ang kaniyang narinig noong gabi na mahuli niya ang kinakasama. Hindi niya sinabi kay Reighn ang totoong dahilan ng pagpunta nila sa hospital. Ang akala lang nila ay magpapa-check up sila para sa bata.

Buong araw na para bang wala sa mood si Dylan. Napansin niya ang kagustuhan ni Reighn na kausapin siya, pero siya na agad ang umiiwas. Alam niyang napapansin niya na rin ang kilos ng binata dahil itinigil na nito ang pangungulit kay Dylan. Mabilis na natapos ang check-up kaya agad na silang bumalik pareho sa bahay.

"Babe, anong gusto mong kainin?" tanong ni Reighn. Napatigil si Dylan sa pagte-text at napatingin sa dalaga.

"Kahit ano," sagot ni Dylan at saglit na natahimik nang may maalala. "Alam ko naman na mas masarap ang luto mo kaysa sa mga sikat na restaurant."

Napansin ni Dylan