Kabanata 67

Tahimik akong naka tanaw sa bintana ng taxi na sinasakyan ko habang binabagtas namin ang daan pa uwe. Sa araw na ito tapos na ang paninilbihan ko bilang babysitter ni Carlson. Binigyan ako ni Lara ng ilang araw na day-off pero palagay ko ay hindi na ako nito pababalikin pa dahil nan'dyan naman na si Dawzon. Maganda na rin magkaroon silang dalawang mag-asawa ng pagkakataong makapag-usap at magka ayos.

Bago 'yon ay pinabaunan muna niya ako ng sahod ko sa sunod na dalawang buwan pa. Hindi na ako tumanggi pa tutal ay kahit hindi ko tanggapin ay siguradong igigiit niya iyon saakin pag sinubukan kong tumanggi.

"Kung inaalala mo kami ni Carlson dito, magiging ayos lang kami." aniya saakin kinabukasan ng umaga.

"Mamimiss ko po kayo, maging si Carlson." I said.