Chapter 113

Papasibol na ang liwanag nang magkarating ako sa Top Hill Park. Higit pala na mas maganda magtungo dito kapag mag-uumaga na dahil walang tao.

Umihip ang malamig na simoy ng hangin. Dinala nito ang ilang hibla ng aking buhok sa mukha ko kaya inipit ko ito sa likod ng aking tainga. Niyakap ko ang aking sarili nang muling umihip ang hangin.

Bumuntong hininga ako kasabay ng pagpikit. Napakapayapa ng aking pakiramdam. Para ba'ng wala akong kakaharapin na panibagong problema ngayong araw.

"Gutom ka na ba?" ang malambing na boses ng paborito kong tao ang nagpadilat ng aking mga mata.

Hindi pa ako makalingon sa kan'ya dahil abala itong itali ang aking buhok.

"Saan ka kumuha ng panali?" Hindi ako madalas magdala ng pang-ipit sa buhok.

"I have it inside my car." Napasimangot ako at lumingon sa kan'ya gamit ang matalim na tingin.

"Bakit mayroon ka n'yan? Kaninong babae 'yan?"

Sa halip na matakot sa reaksyon ko ay tumawa ito at muli akong