Chapter 49

"Ang kapal ng mukha ng ex mo!" bulyaw kaagad ni Lesie nang makapasok kami sa loob ng aking opisina.

Sinabihan ko si Mateo na mamaya na lamang kami mag-uusap.

"Kung umakto siya parang hindi ka niya iniwanan noon nang walang pasabi. He didn't even apologize sa naudlot niyong kasal." 

Parang mas galit pa sa akin si Lesie sa tono ng pananalita niya. Pabaling-baling din ito nang lakad sa harapan ko.

"He said sorry." Naalala ko pa ang huling mensahe na ipinadala niya nang araw bago ang aming kasal.

Tinaasan ako ng parehong kilay ni Lesie at umupo sa swivel chair na nasa aking harapan.

"Talaga?" Hindi ko pa iyon naikwento sa kan'ya.

"He texted me the day before our supposed wedding."

Ibinaling ko ang mga mata sa mga papeles na nasa aking lamesa. Nagkunwari akong may binabasa doon upang makaiwas sa mga susunod pang tanong ni Lesie. Mausisa siya lalo na sa nararamdaman ko kaya sigurado akong hindi siya titigil sa pagtatanong.

<