Chapter 48

Tatlumpong minuto na kaming naghihintay kay Veronica Solis sa conference room subalit 'ni anino nito ay wala pa.

Gustuhin ko man na tawagan ito ay hindi ko magawa.

Isang malaking tulong ang ibibigay ni Veronica sa hacienda kaya nararapat lamang na maghintay kami nang walang reklamo.

Nang isang araw ay nagkausap na kami sa pamamagitan ng telepono. Malayo sa una naming pagkikita noon ay malumanay at mabait ang paraan ng kan'yang naging pakikipag-usap sa akin.

Humingi kaagad siya ng tawad at ipinaabot niya din ito sa mga tauhan sa hacienda. Ayon sa kan'ya ay matahimik at simple na siyang namumuhay sa America kasama asawa at isang anak. 

Kinalimutan niya na raw at labis na pinagsisihan ang pagkakaroon noon ng masamang interes sa Hacienda Miraflor. Sinabi niya rin na natutuwa siyang malaman na nakakagawa na kami ng sariling produkto ng tsokolate, na siyang natikman niya sa isang filipino store.

"Nais kong makabawi sa'yo at kay Kuya Arman. Na