Chapter 16

NANG makita ni Greg ang numero ng kasintahan na tumatawag ay mabilis niya iyong sinagot.

Hanggang sa mga oras na iyon ay naroon pa rin siya sa bahay ng mga ito at matiyagang naghihintay na umuwi ito.

Ayaw niyang umalis ng hindi naaayos ang kanilang hindi pagkakaintindihan. Masyado nang matagal ang ipinahintay niya rito. At hindi siya makapapayag na madagdagan pa iyon ng kahit na isang araw pa.

"Yes, Sweetheart, where are you? Umuwi ka na... nandito pa rin ako sa inyo, hinihintay kita. Mag-usap tayo, please..." bungad agad niya pagkabukas ng linya.

"No. Si Tin 'to. Nandito si Toni, lasing... iyak ng iyak."

Kahit na papaano ay napanatag ang kalooban niya nang malamang doon ito tumuloy sa bahay ng kaibigan. Alam niyang ligtas ito doon.

Kasabay noon ang labis pa ring pag-aalala sa sinabi ni Tin na lasing ito at umiiyak.

Tila may malaking kamay na pumipiga sa puso niya sa kaalamang nasasaktan na naman ang babaeng mahal niya ng dahil na nam