DECIDED

TAHIMIK ANG GABI. Pasado alas dos na ng madaling-araw pero gising na gising pa rin ang diwa ni Tori. And it’s been more than a week simula nang malaman niya ang tungkol sa pagbubuntis ni Kara, maging ang nalalapit na kasal ng babae sa dati niyang asawa.

Hawak ang kopitang may lamang alak ay dahan-dahang sinimsim ni Tori ang laman niyon. Bahagya pang nalukot ang mukha niya nang gumuhit sa kanyang lalamunan ang mapait na lasa ng inumin. Tumingala siya sa madilim na kalangitan habang naka-krus ang magkabilang braso sa kanyang dibdib, hawak pa rin ang kopita. Nililipad ng mabining ihip ng hangin ang buhok niyang hinayaan lamang niyang hindi nakatali.

Isang malalim na buntong-hininga ang pinakawalan ni Tori bago muling dinala sa kanyang bibig ang hawak na kopita at saka niya inisang lagok ang natitirang laman niyon.

“Whoa!” bulalas niya nang tila biglang punuin ng init na dulot ng alak ang buo niyang katawan.

Isang pagak na tawa ang pinakawalan ni Tori pagkaraan ng ilang saglit. Ngayon