Kabanata 56: Confusion

HINDI pa rin mawala sa isip ni Tallulah ang mga sinabi ni Gael sa kaniya at kung paano nito siya tingnan. Bakit sobrang apektado siya sa pagiging mabait nito sa kaniya? Ano ba talagang nasa isip ni Gael? Kasama pa ba ito sa plano niya o totoong nagbago na ang ihip ng utak nito?

Nasapo niya ang kaniyang noo at napapikit nang mariin nang makalabas siya sa silid ni Gael. Mababaliw na ata siya sa pinakikita nito sa kaniya pero hindi niya maiwasang hindi kabahan sa pwedeng gawin sa kaniya ni Carmella gayong mas pinanigan siya ng binata kaysa rito.

"Hey! It's you again with the same reaction, are you ok?"

Napaangat siya ng tingin at tumambad sa kaniya si Hiro na nangingiti dahil muli na naman siya nitong nakita sa ganoong sitwasyon.

"H-huh? A-ako? Ok lang ako," aniya at alangang ngumiti. Umiwas siya ng tingin dito.

"But you look not ok? You look tense," giit nito.

Tumawa siya kahit peke iyon. "Huh? H-hindi, I'm fine. S-sige, may gagawin pa ako." Hindi na niya hinintay na magsalita si Hiro.