Kabanata 63: Blinded

HINDI mapakali si Tallulah habang nakahiga siya sa malambot na kama. Gulong-gulo ang pusot at isip niya at hindi niya alam kung ano'ng dapat niyang sundin. Pilit man niyang itago, itanggi alam niya sa kaniyang sarili na mahal niya si Gael sa kabila ng lahat ng nangyari sa kanila pero alam niyang mali dahil may Kendric na nagmamahal at umaasa sa kaniya at ayaw niyang saktan ang binata.

"Haist!" Inis siyang bumangon at umupo sa kama habang nakasimangot. "Ano'ng dapat kong gawin?" tanong niya sa sarili. Dapat bang manatili pa siya sa tabi ni Gael o dapat na niyang tuluyang iwanan ito at ang konsensiyang nararamdaman niya?

Pumikit siya ng mariin at nagpasiyang bumaba ng kusina para sana uminom pero nang makarating siya roon, agad siyang napahinto at natutop ang kaniyang bibig dahil sa kaniyang nakita. Nanlaki ang mga mata niya at hindi alam ang gagawin. Patay kasi ang ilaw sa kusina at sala at tanging ang mga ilaw sa labas ang nagsisilbing tanglaw doon.

"F*ck! I miss you so much, Carmel