Kabanata 33

DIEGO POV

"Mia!" singhal at biglang paghila kay Vianna May ang gumulat sa akin, kasunod ang paglipad ng kamao sa labi ko. Sa bilis ng pangyayari ay hindi ko na nagawang umilag.

Narinig ko na lang ang tili ni Vianna May, sandali kong naipikit ang mga mata at nakapa ang putok na labi, 'tsaka nilingon ang lalaking hindi matigil ang singhal at pang-uuyam.

Kaagad umakyat lahat ng dugo ko sa ulo nang makitang yakap ni Vianna May, ang h*******k na si Nelson para pigilan ito na sugurin pa ako.

Hinila ko si Vianna May, pero kaagad niya rin hinila pabalik sa kan'ya. "Akala ko matino ka, lapastangan ka rin pala!" himutok niya. Nangangaliti sa galit habang hawak na ang braso ni Vianna May. "Gago ka!" Akmang susugurin na naman niya ako pero humarang si Vianna May.

Parehong matalim ang tinginan namin sa isa't-isa at nagtiim ang mga bagang.

"Ikaw ang gago!" tugon ko, kasabay ang paghila kay Vianna May, na bakas na rin ang galit sa mukha dahil sa pamumula nito.

"Ano ba, bitiwan niyo nga ako!" singal