Chapter 120

Pagkarating na pagkarating pa lang ni Andrea sa bahay nila ay hindi na niya maipaliwanag ang ngiti sa mga labi ng mga magulang niya. She could feel something towards them. Nararamdaman niya na mukhang magandang balita ang sasabihin nito sa kanya. Pinaupo muna siya nito sa sofa na nasa sala nila. Magkatabi ang mga magulang niya habang nakaharap siya dito.

"Bakit masayang-masaya po kayo ngayon? Ano po ba'ng nangyari?" tanong ni Andrea sa mga magulang niya na nagkatinginan muna bago nagsalita sa kanya.

"Pumunta kanina dito si Martin," anunsiyo ni Merla na ina niya sa kanya na ikinamilog ng mga mata niya.

"S-sigurado po ba kayo? Pumunta dito si Martin kanina?" hindi makapaniwalang tanong ni Andrea kay Merla na kaagad naman na tumango sa kanya para kumpirmahin na totoo ang sinabi niya na pumunta sa bahay nila kanina si Martin.

"Oo. Pumunta siya dito kanina. Siguro mga pasado alas dos ng hapon. Hindi ka ba niya sinabihan na pupunta siya dito sa bahay natin, huh?" untag ni Merla sa kanya.