Chapter 121

Tinawagan kaagad ni Andrea si Martin nang matapos silang mag-usap ng mga magulang niya sa sala. Nasa loob na rin siya ng kuwarto niya. Sinagot naman siya kaagad ni Martin.

"Hi, Andrea. Kumusta ang araw mo ngayon sa trabaho?" tanong ni Martin sa kanya pagkasagot nito ng tawag niya. Kakasagot pa lang nito sa tawag niya ay kinikilig na siya pagkarinig sa boses nito. Segundo muna ang lumipas bago sumagot kay Martin sa kabilang linya. Hindi naman niya puwedeng sabihin ang nangyari kanina kaya ang sasabihin niya lang ay ang nararapat niyang sabihin dito.

"Maayos naman ang naging araw ko ngayon. E, ikaw? Kumusta pala?" sagot nga niya kay Martin na narinig niyang humugot nang malalim na buntong-hininga.

"Okay naman ako. Naging maayos naman ang araw ko ngayon," nakangising sagot ni Martin sa kanya kahit hindi sila magkaharap. She could feel that he's smiling at that moment.

"Ganoon ba?"

"Yeah. Ba't ka pala napatawag? Nami-miss mo ako? Tatawagan na sana kita kaso naunahan mo na ako pero masaya