Chapter 69

"Oo. Nakapag-isip na ako, Gretta. Alam ko na ang gagawin ko ngayon," seryosong sagot ni Andrea kay Gretta na mariing ngumiti naman sa kanya.

"Mabuti naman kung ganoon na nakapag-isip ka na kung ano'ng gagawin mo. Masaya akong marinig 'yon sa 'yo pero mas sasaya ako kung maririnig ko sa 'yo ang iminumungkahi ko sa 'yo," sabi ni Gretta na gustong-gusto na malaman kung ano 'yon. Andrea took a very deep breath and bit her lips.

"Ibibigay ko pa rin ang bouquet at chocolate na pinabibigay niya sa akin kay Ella Marie," dahan-dahan na anunsiyo ni Andrea kay Gretta na nawala ang ngiti sa mga labi niya. Napalitan 'yon ng pagkadismaya sa kanya.

"A-ano? Ibibigay mo pa rin 'yon sa kanya? Akala ko—" hindi na pinatapos ni Andrea ang sasabihin ng kaibigan niya sa kanya kaya nagsalita naman na siya para magpaliwanag. Hindi lang naman 'yon ang sasabihin niya.

"Gretta, makinig ka muna sa mga sasabihin ko sa 'yo. Hindi lang naman 'yon ang sasabihin ko sa 'yo, eh. Let me explain please," sabi ni Andrea k