Chapter 70

Sumang-ayon naman si Gretta sa sinabi ni Andrea na ibibigay pa rin nila ang pinabibigay na bouquet at chocolate ni Martin kay Ella Marie kahit sinabihan na niya ito na huwag na gawin 'yon. Bilang kaibigan na sinusuportahan niya sa bawat gagawin nito ay hindi naman niya puwede na pabayaan ang kaibigan. Nagpaliwanag na rin ito sa kanya. Naiintindihan naman na 'yon ni Gretta.

Si Gretta na lang ang nagpresenta na bumili ng bouquet at chocolate na ibibigay nila kay Ella Marie para mamaya. Nakausap na nila si Ella Marie at pumayag naman ito na kumain sila ng dinner sa labas mamaya. Dala-dala na ni Gretta ang bouquet at chocolate na binili niya. Nauna na siyang lumabas sa opisina para bumili samantalang sumunod naman sa kanya si Andrea at Ella Marie. Doon sila kakain sa restaurant madalas na kinakainan nilang tatlo ng dinner.

Nandoon na si Gretta nang dumating ang dalawa. Kinuha ni Andrea ang bouquet at chocolate. Kaagad na binigay niya kay Ella Marie 'yon na nanlalaki ang mga mata sa pagkag