Chapter 7.1: Flustered

𝗖𝗵𝗮𝗽𝘁𝗲𝗿 𝗦𝗲𝘃𝗲𝗻

𝗙𝗹𝘂𝘀𝘁𝗲𝗿𝗲𝗱

Ang pagsara nang malakas ng gate ang nakakuha ng atensyon ni Raysen mula sa paglalaro ng ML. Kahit nasa gitna siya ng laban ngayon, binaba niya ang cellphone sa center table at tiningnan ang direksyon ng pinto. Sino kayang siraulo ang nagwawala ngayon?

Si Raymond ang pumasok. Ah, siraulo nga.

Magkalapat nang mariin ang mga labi nito, magkasalubong ang parehong kilay at madilim ang ekspresyon ng mukha. Galit ang itsura.

"Anong itsura 'yan at pati si Leonardo Da Vinci, mahihiyang ipinta 'yang mukha mo?" Lumapat sa kanya ang masamang tingin ni Raymond at hinagis nito ang bag sa sofa na kaharap nito.

"Nabubwisit ako kay Dennis!" Pabagsak itong naupo sa sofa na katabi ng kinauupuan niya. Ngumiwi si Raysen. Kailan ba hindi nabwisit 'tong si Raymond kay Dennis? Eh, kada uuwi 'to mula sa school, bukambibig, si Dennis. Lapit naman nang lapit doon