Chapter 7.2: Flustered

Nakaalalay si Raymond kay Dennis ngayon. Galing na sila sa clinic at may plaster bandage na sa paa nito gawa ng na-dislocate na buto sa paa. Mabuti na lang at marunong ang doktor dito sa school nila at ilang beses lang inikot ang paa ni Dennis, naibalik din sa ayos iyon. Kundi ba naman kasi lampa, e?! Nadapa lang ito, na-sprain na ang paa?

Pabalik sa classroom, hindi sila parehong nagsasalita. Pareho silang nakikiramdam sa isa't-isa, iniisip kung ano ang sasabihin.

Si Dennis ang unang bumasag ng katahimikan sa pagitan nila at nakayuko ito nang bumulong. "S-Sorry..."

Hindi kumibo si Raymond. Iniisip niya ngayon ang chibi demon version ni Raysen na nagsasayaw sa utak niya. Tae. Nagdilang-demonyo 'to at nanalo nga ang bwisit.

Kung hindi lang nagbabasa-basa ng Psyche books iyong isang 'yon, nunca na tanungin niya? Minsan tuloy, 'di niya alam kung nagsasabi ba ng totoo 'yon o ginagago siya, e. P