CHAPTER THIRTY-FIVE

CHAPTER THIRTY-FIVE

Natigilan si Gerald nang makita niya si Diane na nakatayo at nakamasid sa kanila ng kanyang kahalikan. Inilayo niya sandali ang kanyang labi ngunit hindi niya binibitiwan ang kayakap. Kitang-kita ang kumikislap na iyon sa pisngi ni Diane. Umiiyak? Bakit niya kailangang umiyak? Ginagawa niya ito para matulungan si Diane na kalimutan kung anuman ang nararamdaman nito sa kanya. Gusto niyang ipakilala ang totoong siya. Na hindi ang katulad niya ang dapat nitong paglaanan ng panahon at pagmamahal. Hindi siya karapat-dapat sa kanya. Pagkatapos niyang senyasan itong lumayo at bumalik sa bar ay muli niyang ipinagpatuloy ang naudlot niyang pakikipaghalikan. Wala siyang balak makipag-sex sa gabing ito. Gusto lang niya ng makipag-flirt, makapaglibang at ipakita kay Diane ang totoong siya sa tuwing hindi sila magkasama. Sana makatulong ang ginagawa niyang ito para kamuhian siya. Para isiping hindi siya ang lalaking karapat-dapat niyang mahalin.

Kinuha ni Diane ang alak na orde