CHAPTER THIRTY-FOUR

CHAPTER THIRTY-FOUR

Nakita niyang may lumapit na maganda at sosyal na babae kay Gerald. Nagkamay sila at nagkangitian. Tumayo siya. Hindi sa gusto niyang mag-order ng maiinom kundi ang pigilan si Gerald na mapalapit sa kausap niya. Kabastusan na kung kabastusan pero pumuwesto siya sa gitna nilang nag-uusap.

"Bago ka lang dito? Ngayon lang kasi kita dito nakita" tanong ni Gerald na para bang walang silbi na nasa gitna nila siya. Ni hindi siya nito napansin o sinadyang hindi pansinin.

"Yes. I'm from Cebu. Bagong salta dito sa Manila. And you?" tanong ng Cebuano.

"Anong masarap na alak?" sinadya ni Diane na lakasan ang pagtatanong kay Gerald para lang matigil ang pag-uusap ng dalawa.

"Good, I might be a good company for a while, iyon ay kung okey sa'yo." Dumadaan lang ang tingin ni Gerald sa kanya.

"Ano ngang alak ang masarap na inumin?" Sinadya ni Diane na ilapat ang braso niya sa dibdib ni Gerald kasabay ng mahinang pagsiko.

Paraan lang niya iyon para matigil na ang pakikipag-flirt ni