Chapter 37

Mabilis na lumipas ang tatlong araw. Martes na, October 24, 2021. Natapos na ang surgery ng ina ni Seojun, Limang oras ang naging operasyon nito at sa kabutihang-palad, naging matagumpay ang procedure. Kailangan na lang hintayin na mawala ang epekto ng anesthesia para malaman kung magigising ang kaniyang ina at walang komplikasyon. Dahil magdamag na nagbantay sa labas ng emergency room sina Marion at Seojun, natulog muna sila nang makauwi sa apartment. Kakapasok lang kasi ni Eclaire kaya ayaw nilang mag-absent ulit ang dalagita. Naaawa naman si Marion sa binata kung mag-isa itong maghihintay sa ospital kaya niya ito sinamahan.

Alas-tres na ng madaling araw nang humiga siya sa kama. Pagod na siya kaya nagtanggal na lang siya ng mga sapatos, medyas, at pantalon bago tumalon sa pinakamamahal niyang higaan. Nang ipikit niya ang kaniyang mga mata, kaagad siyang nakatulog dahil na rin sa nakaka-relax na amoy mula sa bagong bili niyang air humidifier at oil diffuser.

“Ano b