Chapter Eight

Lalong nangusot ang kanyang noo sa narinig. “Ano kamo? Boyfriend ko?” nalilito niyang tanong at naituro pa ang sarili.

Makapanabay na tumango ang dalawa na hindi pa rin naaalis ang kilig at saya sa mga mukha.

Pagak na napatawa ang dalaga saka tumayo. “Hoy! Kayong dalawa ha, tigilan niyo ko!” wari nagbabanta niyang sabi.

Subalit hindi natinag ang dalawa, lalo pa natuwa ang mga ito.

“Madam, naman eh, kunwari ka pa…” tukso ni Eva sabay tinusok-tusok ang kanyang tagiliran.

Napaigtad naman ang dalaga sa ginawang paglalambing ng kanyang assistant manager.

“Is my, baby, in there? My golly! Ang sexy-sexy!” tila kinikiliting sabad ni Iya.

Naiarko niya ang kanyang kilay sa familiar na salitang binitawan ni Iya.

“Tapos sabay ngiti pa! Ang gwapo-gwapo talaga!” halos tumitiling turan ni Eva.

Pinagsasapak niya sa braso ang dalawa para makausap niya ito ng matino. “Ano ba’ng pagmumukha ng loko-lokong iyan!” pabulyaw niyang sabi.

Napasimangot naman ang dalawa at makapanabay na napahawak sa