Chapter 132

Malapit ng gumabi at nandito pa rin sila sa condo ko. Marami kaming napag-usapan ni Mommy. Naikwento niya sa akin kung paano siya niligtas ni Miguel noon. Akala niya ay tauhan din si Miguel ng kapatid niya kaya tumakbo siya nang nagkita sila sa takot na baka bugbogin.

Si Miguel ay nasa kwarto namin ni Kalix, naglalaro silang dalawa. Ayaw ko sana pero si Mommy na mismo ang nagsabi na hayaan ko na lang daw mag-bonding ang mag-ama.

"Bakit mo pala inilihim sa kaniya ang totoo?" biglang tanong ni Mommy habang niluluto ko ang paboritong pasta ni Kalix.

"I got carried away. Napahawak siya noon dahil sa akin. Naisip ko na sa tuwing kasama niya ako, palagi akong safe pero siya naman ang palagi nasa panganib. Kumplikado rin kasi dahil nalaman ko na dini-date niya ang anak ni Glenda."

"He's not dating her. He's using her."

Napahinto ako sa ginagawa ko at nilingon si Mommy. "Ano ang ibig niyo pong sabihin?"

"Nang nagkaroon ako ng malay at unti-unting bumalik ang lakas ko, naikwento niya sa