Chapter 35

Naghintay muna ako ng ilang minuto na matapos silang lahat sa pagyoyosi at pag-inom ng kape para makaalis na kami patungo sa sinasabing Italian Restaurant na binook ni Alexander.

Naunang naglakad sina Mommy at Daddy habang si Alexander naman ay sumabay sa akin sa paglalakad. Si Ate Cecile ay abala sa pakikipagkwentohan kay Miguel ng kahit ano. Narinig ko rin na tinanong niya si Miguel tungkol sa buhay nito. Oo at hindi lang ang sinagot niya kay Ate Cecile.

Pagdating namin sa parking lot, nilingon ko si Miguel. He's my driver at sa kaniya dapat ako sasakay ngunit hinila ako ni Alexander patungo sa kaniyang sasakyan.

"Sa akin ka sasakay," sabi ni Alexander bago niya ako pinagbuksan ng pintuan. Nang lingonin ko ulit si Miguel, nakita ko ang aking kapatid na masayang pumasok sa loob ng sasakyan. "Sasakay ka ba o roon ka sa kabilang kotse sasakay?" Iritadong tanong niya at isinirado ang pinto.

Nagulat ako nang hilahin niya ako patungo sa sasakyan na minamaneho ni Miguel. Napansin ko ri