Chapter 27

Naihatid na ako ni Andy sa labas ng condo building na pinagtutuluyan namin ni Jonas pero hanggang ngayon ay hindi ko pa rin magawang pumasok sa loob. Tulala lang ako at halos parang wala na rin'g buhay. Sobrang nasasaktan ko, ang sakit-sakit na. Para bang lahat nalang ng nakapaligid sa akin ay kaya akong saktan kahit pa lubos ko silang pinagkakatiwalaan.

Ang mga lalakeng nakapaligid sa akin. Lahat sila pinagkatiwalaan ko, minahal ko at ang akala ko ay poprotektahan nila ako pero nagkakamali pala ako dahil lahat sila ay sinaktan ako.

Ayokong makita muna si Jonas ngayon dahil panigurado ay hinahanap na niya ako mula pa kahapon. Hindi ko siya kayang makita. Minahal ko siya at lubos na pinagkatiwalaan pero sa huli ay sinasaktan niya lang rin ako.

Imbes na umuwi na ay nagpunta nalang ako sa katabing parke ng condo building ni Jonas. Tulala akong umupo sa isa sa mga bench at ilang saglit pa ay kusa nalang tumulo ang mga luha ko sa sobrang bigat ng nararamdaman ko.

Litong-lito, nasasaktan, a