15

Liah

"Alam ba ni sir Elijah ito--- hoy huwag niyang hinihila ang nanay ko mga dambuhala kayo!"

Boses iyon ni Ina na bumubulabog sa buong mansiyon, pinag-masdan namin kung paano hilain ng mga guwardiya ang umiiyak na si Aling Susana bitbit ang maleta nito habang pilit naming pinipigilan ni Ina ang pagkaladkad ng mga guwardiya sa kaniyang ina

"Desurv niya yan, napaka-sungit kasi akala mo naman siya ang may-ari ng mansiyon" bulong ni Kara na nasa aking tabi habang pinag-mamasdan din ang nangyayari

Halos lahat ng mga katulong sa mansiyon ay nasa sala habang pinagmamasdan ang palabas sa harapan, bulung-bulungan ang iba at tahimik lang naman ang iba, walang nangahas na makialam

Natigil lang kami sa panonood ng dumating si Aling Myrna sa aming harapan, ngayon iba na ang kulay ng kaniyang uniporme indikato na siya na ang Mayordoma ng mansion

"Magsibalik na kayo sa mga kuwarto ninyo" ma awtoridad niyang utos sa lahat, sinulyapan niya pa kami bago binalingan ang kaganapan kila Aling Susana