23

Liah

"Naka-usap na ba si Mr. Santos Nay, dapat mamayang gabi maibenta na yang babaeng yan para makabayad na tayo agad sa utang natin" rinig na rinig ko ang malakas na boses ni Matet habang nasa loob ako ng aking dating kwarto sa bahay nila Nanay Let

Madilim ang paligid at ramdam ko ang mahigpit na tali sa aking kamay at paa, kahit ang aking bibig ay may takip na tela. Mabaho ang paligid at makalat ito

Hindi ako maka-hinga ng maayos at ramdam ko pa ang sakit ng aking ulo dahil sa pagtama nito kanina sa hamba ng kotse

"Huwag mo akong minamadali Matet, alam ko ang ginagawa ko" si Nanay Let iyon

"Nag-aalala lang ako Nay, baka mamaya tumakas na naman yan. Sayang ang ino-offer ni Mr. Santos na isang milyon kapag hindi natin ibebenta si Juliet" muling ani ni Matet

Huminga ako ng malalim at pilit kinalma ang sarili, ramdam ko ang pamamaga ng aking mata dahil sa kaiiyak. Hindi ko alam kung paano ako makakatakas ngayon. Nakakatawang isipin na balak nila akong ibenta ngayon para lang mabayara