Episode 28: Divulge

Tinatambol ng kaba ang puso't-isipan ko habang tinatahak ang makipot na hagdan sa hospital. Hindi ko na nga makuhang pag-isipan pa ang mga hakbang na ginagawa dahil naliligaw na ng landas ang isipan.

“Kalimutan mo na ako. Isa kang malas," bulong ko sa isipan habang inaalala ang simpleng liham na ipinadala sa ‘kin.

Sa ilang saglit pa ay napapikit ako tsaka napatukod sa kulay puting pader. Muling sinakop ng luha ang mga mata ko kasabay nang paghahabol ko ng hininga.

Wala na akong magagawa.

“Nasaan siya? Please, sabihin mo na!" bulyaw ko nang makalabas sa fire exit. Nasapo ko ang dibdib at marahang napaliyad sa labis na pagkahingal.

Wala na akong pakielam kung nakuha ko man ang atensyon ng iilan sa mga tao rito. Ang iba pa nga sa kanila ay pinagbubulungan ako ngunit hindi opinyon nila ang mahalaga para sa ‘kin.

Walang mababasa sa reaksyon ng mukha nito na animo'y hindi niya inaasahan na susulpot na lang akong bigla sa harapan niya. “Maureen, pwede ba? Sabihin mo na kung nasaan, oh?" ani