Kabanata 31

Corvus’ POV

“Oh, syet!” sabi ko kaya nahinto sa paglalakad si Nacho. Bumalik siya para lapitan ako. Hinawakan niya ako sa balikat kasi yumuko ako. Hinawakan kong mabuti ang tiyan ko na para bang sakit na sakit ako. Um-acting kasi ako na sumakit ang tiyan ko.

“Bakit, anong problema, Corvus?” Kita ko sa mukha niya ang pag-aalala. Tila nakuha ko siya agad sa acting ko. Umupo pa siya para makita ang itsura ng mukha ko.

“Napasama ata ang lagay ng tiyan ko sa kinain kong biko kaninang umaga. Sira na nga ata talaga iyon,” pagsisinungaling ko. “Ilang araw na kasi itong nakalagay sa fridge ko, mga isang linggo na ata. Sa pagmamadali kong kumain ng almusal, iyon ang nadampot ko kasi late na akong nagising kanina.”

Umiling siya. “Baliw ka ba, bakit mo naman kinain pa ang ganoong pagkain na matagal na palang naka-imbak sa fridge mo, sasakit talaga ang tiyan mo niyan,” sabi niya at saka ako inalalayang maglakad. Sinabi ko sa kaniya na gusto kong magbanyo. Siguro, doon na lang muna ako habang kinak