Kabanata 85

Nakangisi si Cassie na pinapanood ang paalis na si Aika, “kung hindi magiging akin si Sandro, pwes, magiging akin ang lahat ng yaman ng ama mo, Aika,” nakatitig pa rin si Cassie sa malayo ng si Aika.

Nararamdaman ni Jose ang matinding iringan ng dalawa, alam niya na hindi ito simpleng misunderstanding dahil iba ang pakiramdam niya sa mga sinasabi ng kanyang anak laban sa dalagang si Cassie ngunit nagpatuloy pa rin siya sa pagbubulag-bulagan para mapapaniwala niya si Cassie na nagtatagumpay siya sa anumang binabalak niya sa pamamahay niya.

“Hindi mo bang talaga naiintindihan kung bakit ganun na lamang ang galit ng anak ko sa iyo?” mariing tanong ni Jose sa kanya.

“H-hindi po, tito,” sambit nito kahit alam na alam niya ang ikinagagalit ni Aika sa kanya ngunit ayaw niya itong ipaalam sa matanda para hindi siya nito patalsikin sa mansyon at hindi rin masira ang mga plano niyang pagkuha ng yaman nito.

Tumango lamang si Jose sa sinabi ng kanyang pamangkin, “kumain ka na ba?” tanong ni Jose