Book 3: Chapter 39-Pang-iinsulto

"Ikaw ba si Ms. Alexa from marketing department?"

Sandaling pinakatitigan ni Alexa ang ginoo na mukhang inabangan talaga siya roon at hinintay na makalanas. Sa hitsura nito ay alam niyang may mataas na posisyon ito sa kompanya. "Ako nga po, may kailangan po ba kayo sa akin?"

"Isa ako sa tinitingala dito sa kompanya at kilala ang pamilya ng CEO."

Gustong tumaas ng nga kilay ni Alexa at nayabangan sa lalaki pero pingilan niya ang sarili. "Ano po ang connect ng trabaho ko sa katauhan niyo?" gusto niya sanang isatinig pero huwag na lang at baka mapikon ang ginoo.

"Gusto ko lang sabihin sa iyo na layuan mo si Mr. Zion at hindi ka nababagay sa kaniya."

Nagpantig ang tainga ni Alexa sa narinig at hindi na napigilan isatinig ang laman ng isipan. "At sino ang bagay sa kaniya, ikaw?" sarkastiko niyang tugon sa ginoo.

"Stupid! Hindi ako bakla at ang anak ko ang nababagay sa kaniya!" Bahagyang tumaas ang timbre ng boses ng ginoo at namula ang pisngi dahil sa galit at pagkapahiya sa isiping naging