Book 4: Chapter 87-Pagmakaawa

Mabilis na tumayo si Alice nang biglang bumukas ang pinto at pumasok si Rafael. Kumabog ang dibdib niya nang makita sa mukha nito ang galit. Pagtingin niya kay Tanya ay bakas din sa mukha nito ang pagkabahala.

Nakagat ni Tanya ang loob ng bibig nang masalubong ang galit na mga titig ng binata sa kaniya. Hindi pa man ito nagsasalita ay nahulaan na niya kung ano ang ikinagagalit nito sa kaniya.

"Bakit nagsinungaling ka tungkol sa tirahan mo?" malamig na tanong ni Rafael kay Tanya.

Nagyuko ng ulo si Alice at takot na madamay dahil sa ginawa ni Tanya. Dumistansya rin siya at tumayo lang sa isang tabi.

"Ra-Rafael, please let me explain!" Kabado at gumaralgal na ang boses niya.

"At nilagay mo pa ang sarili mo sa kapahamakan para lang manatili ako sa tabi mo?"

Nanlaki ang mga mata ni Tanya at umiling. Hindi magawang ibuka ang bibig upang magpaliwanag sa binata at itanggi ang nasa isip nito.

"Ngayon pa lang ay umamin ka na habang maaga pa kung ayaw mong lalo along ma dissapoint sa iyo." Hind