Book 3: Chapter 54-Kaibigan

Lumapit si Alexa kina Liza nang makitang kumain na rin ito. "Anong lasa ng pagkain? Masarap ba?" pabulong niyang tanong.

Pilit na nilunok ni Liza ang natirang pagkain sa bibig bago ngumiti kay Alexa. Tikman mo para alam mo kung ano ang lasa." Ibinigay niya ang isang box sa pinsan.

Matigas na umiling si Alexa at inilayo ang sarili. Thank you pero galing iyan sa manliligaw mo kaya dapat ikaw lang ang kumain niyan."

Nagtatakang nagpalipat-lipat ang tingin ni Loida sa dalawang nag uusap. Nang makitang tinanggihan ni Alexa ang ibinibigay ni Liza ay inis na nilapitan ito. "Ang arte mo naman. Ikaw na nga ang binibigyan."

Napatingin na naman ang lahat kina Liza dahil sa lakas ng boses ni Loida.

"Liza, huwag mong ipilit sa kaniya ang sarili mo. Inggit na naman siya sa iyo dahil isang CEO ang nanliligaw sa iyo." Sinadya pa ni Loida na lakasan ang boses upang ipahiya si Alexa.

Ngumiti si Liza sa kaibigan, ito ang gusto niya dito. Sobrang supportive sa kaniya at mapaniwala sa mga sinasabi niya.

"