Book 3: Chapter 58-Deal

Pakabukas ni Jerry sa pintuan na naka connect sa opisina ng amo ay dahan-dahang isinilip niya ang ulo sa maliit na awang ng pintuan. Parang may laser ang mga mata niyang pinagmasdan ang ginagawa ni Alexa. Humaba pa ang leeg niya nang makitang sitting pretty ang dalaga habang panay ang subo ng hipon. Lumipat ang tingin niya sa table at nanlaki ang mga mata niya, nagkalat doon ang balat ng lobster at iba pang hipon.

"Pambihira, mukhang inubos na ang pagkain." Kausap ni Jerry sa sarili.

Mabilis na ibinaba ni Alexa ang mga paa na naka patong sa table nang mapansin si Jerry.

Biglang nilakihan ni Jerry ang pagbukas sa pintuan at nakangiting nilapitan ang dalaga. "Ms. Alexa, hindi ka na ba galit?"

Nakangiting umiling si Alexa at pinakita kay Jerry ang larawang nakita sa group chat.

Namilog ang mga mata ni Jerry pagkakita sa larawan ng amo at ni Jackie. Napahawak siya sa dibdib niya at mukhang tatalon na naman sa cage nito dahil sa kaba. Baka sa pagkakataong ito ay si Alexa na ang mag walk