Book 4: Chapter 4: kasunduan

Nagulat si Rafael nang biglang itutok sa kaniya ng babae ang screen ng cellphone. Agad na bumungad sa kaniya ang mukha ng ginang sa screen ng cellphone.

"Mom, siya po ang boyfriend ko. Pasensya na po kung hindi ako nakapagpaalam sa iyo kanina bago umalis. Naaksidente po kasi siya kaya agad akong napasugod dito sa hospital.

"What the he—"

Mabilis na inilayo ni Jenny ang cellphone sa binata at tinakpan ang bibig nito bago pa matapos ang pagsasalita. "Mom, tatawag po ulit ako mamaya para magpaliwanag. Kailangan ko na pong putulin ang tawag at aasikasuhin ko pa ang boyfriend ko."

Matalim ang tinging ipinukol ni Rafael sa babae nang alisin na nito ang palad sa bibig biya.

Hilaw na ngiti ang humulma sa labi ni Jenny at nag peace sign sa lalaki. "Sorry, pero napasubo na ako. Aalagaan kita hanggang sa paggaling mo basta pumayag ka nang magpanggap na boyfriend ko."

"Kilala mo ba ako at parang sigurado kang papayag ako sa kalokohang naisip mo?"

Bahagyang umusli ang ibabang labi ni Jenny at nag