Book 4: Chapter 11-Mapanghusga

Sinundot ni Jenny ang pisngi ng binata nang hindi na ito gumalaw. Kasuwerte naman nito at nakayakap sa kaniya. Pero hindi niya napigilan ang sariling ilong na ilapit sa bibig ng binata na na bahagyang nakaawang. Ang sarap samyuhin ng mabining paghinga nito. Muli niyang sinundot ang binata at sa pagkakataong ito ay sa ilong na ngunit ayaw pa ring gumising. Pilyang ngumiti siya at mabilis hinalikan ito sa pisngi.

"Ayaw mo pa ring gumising?" kausap niya sa binata at pinisil ito sa labi.

"Stop it, Jenny, I'm still sleepy!"

Humaba ang nguso ni Jenny at kahit inaantok pa ay ang sungit pa rin ng binata. "Gutom na ako."

Mahinang ungol lang ang isinagot ni Rafael sa dalaga at bumitaw na nang yakap dito.

Lalo lamang nainis si Jenny nang tumihaya na ang binata. Mabilis siyang umupo sa tabi at nagreklamo. "Kapag hindi ka gumising ay ikaw ang kakainin ko." Pananakot niya sa binata sabay lapit ng bibig sa tainga nito.

"Tsk, wala pa ba si Roger?"

Tumuwid siya ng upo at hinawi ang kurtina. "Wala