Book 4: Chapter 74-Pagkaaliw

"Ang tinutukoy ba niya ang tungkol sa pustahan ninyo ni Mark?" naninugurong pabulong na tanong ni Alexa sa hipag.

Tumango si Jenny habang pigil ang sariling tumawa.

Biglang nabura ang ngiti sa labi ni Tanya nang makita ang reaction sa mukha ng dalawa. Sa halip na kabahan at makiusap sa kaniya na huwag ibunyag kay Rafael ang lahat ay mukhang naaaliw pa sa kaniya.

Biglang napabunghalit ng tawa si Alexa nang mabura ang ngiti sa labi ni Tanya. Napahawak pa siya sa tiyan niya habang tumatawa dahil ang akala ng babae ay may malaking pasabog na ito laban sa hipag niya.

"Tingnan ko lang kung makatawa pa kayo kapag napanood ni Rafael ang video." Inis na panghahamon ni Tanya sa dalawa.

Unti-unting humupa ang tawa ni Alexa at tumingin kay Jenny. "May scandal ka bang itinatago sa amin?" eksahiradong tanong ni Alexa sa hipag.

Si Jenny naman ang natawa dahil sa tanong ng hipag. "Anong klaseng tanong iyan? Alam mong kagabi lang ako nagpagalaw kay —"

Mabilis na tinakpan ni Alexa ang bibig ni Jenny