Book 4: Chapter 8-Video call

Pagkalabas ni Jenny sa banyo ay halos manginig pa siya sa lamig. Para naman kasing may yello ang tubig. Ginutom na rin siya kaya hindi na pinansin ang paligid at mabilis na dinampot ang kapeng nangangalahati na ang laman.

"Don't!"

Naudlot ang paglapat ng bibig ng tasa sa labi niya dahil sa sita ng binata.

"Here." Kinuha ni Rafael ang hawak na tasa ng dalaga at pinalitan.

Nagmamadaling dinampot ni Roger ang tasang binitawan ng dalaga at nagpaalam. "Lalabas na po ako, sir."

Awang ang bibig na sinundan ng tingin ni Jenny ang lalaking nagmamadaling lumabas. Hindi niya napansin ito kanina dahil halos matakpan ang mga mata niya ng towel na nakapatong pa sa ulo niya.

"Next time be careful, hindi lang ako ang lalaki dito. Hindi ka na bata para hindi malaman na masama ang basta na dumampot ng pagkaing kinakain ng iba."

Bahagyang humaba ang nguso ni Jenny at napahiya. Hindi naman siya ganito talaga. Ewan ba niya, sobrang kumportable siya sa kaalamang si Rafael ang kasama niya. "Akala ko kasi k