Book 4: Chapter 33-Paninira

"Ano ang isusuot ko sa pagdalo sa isang event?" nakangiti nang tanong ni Jenny sa binata.

Isinabit muna ni Rafael ang huling dress sa loob ng cabinet bago nilingon ang dalaga. "Ibibili kita bukas."

"Kailangan ba talaga magsuot ng dress." Mukhang biglang namroblema si Jenny.

"Karamihan sa dadalo ay mga modelo."

Biglang napatuwid ng tayo si Jenny. "Gagawin ko ito para sa iyo."

Nilapitan niya ang dalaga at hinalikan ito sa noo bago niyakap. "Thank you!"

"For what?" aniya habang nakatingala upang mapagmasdan ang mukha ng binata.

"Sa tiyagang pangungulit sa akin upang makumbinsing patulan ang kalokohang naisip mo."

Napalabi siya at mukhang kalokohan pa rin pala ang tingin niya sa pagiging malapit niya dito ngayon. Nakahalik na nga ito at nakahawak sa tiyan niya tapos—naputol ang pag-eemot niya sa isipan nang magsalita ang binata.

"Pero hindi kita binigyan ng chance na makapasok sa buhay ko dahil sa alok mo."

"Malamang dahil mas mapera ka kaysa akin saka kailangan mo rin ako bilang accesso