Book 4: Chapter 63-Hamon

Napabuntong hininga si Rafael nang pagpasok sa silid niya ay wala ang dalaga. Talagang matindi ang tampo at ayaw siyang makatabi sa pagtulog. Pero hindi maari, ayaw niyang mahulog ito sa kama habang natutulog. Pinuntahan niya ito sa guest room. Kumatok muna siya ngunit walang sumasagot. Pumasok na siya at agad hinanap ang dalaga.

"Jenny, nariyan ka ba?"

Umirap siya sa pintuan na para bang iyon ang lalaking kinaiinisan. Pero sa kabilang banda ay natuwa siya at sinundan siya doon ng binata. Muli siyang napatingin sa suot niya ngayon. Biglang namula ang pisngi niya at siya ang nahihiya sa suot niya ngayon.

"Huwag kang papayag na ang babaeng iyon ang makasiping ni Rafael ngayong gabi. Lumabas ka na ganiyan lang ang suot at tiyak na maglalaway siya at gagapang sa pagsunod sa iyo!" naalala niyang turan ni Alexa nang makausap niya kanina.

"Isusuko ko na ba ang bataan ko?" pabulong niyang tabong sa hipag.

"Hindi ka naman na lugi kay Rafael kaya push mo na!" Mukhang nakikiliting tumawa si Ale