The New Governor

Ang lahat ay nakahanda na at minuto na lang ang binibilang at mag-uumpisa na ang programa. Ngayong araw ay ang pormal na pagpoproklama sa bagong magiging Gobernador at iyon ay ang dating Vice Gobernador ng Bulacan na si Uno Vicente. Dahil biglaan ang pagkamatay ng dating Gobernador na si Louise Avendaño ay naging madalian lang din ang paghahanda. Hindi na nagkaroon ng mahabang Programa at pawang mga tauhan lang sa kapitolyo ang dadalo sa selebrasyon ng bagong mauupong pinuno ng Bulacan.

Ilang minuto bago magsimula ang programa ay siyang dating ng Mag-asawang Stefano at Derie May Avendaño. Ang lahat ng tao na naroroon ay talagang napalingon sa kanilang pagdating. Ang ilan ay hindi inaasahan ang presensiya ni Stefano dito at ang karamihan naman ay mas natuon sa kasama nitong magandang babae.

"Sinama pa talaga ang asawa," aniya ng isa sa mga taong naroon.

"Hindi ko inaasahan na mas maganda pala sa personal ang asawa niya. Mukhang bata pa. kawawa naman... sinayang ang ganda." sab