Warning! Spg

Nakangiti pa nang umuwi si Derie. Nagpakita muna siya kay Elsa pagdating na pagdating niya. Kinamusta nito ang naging arrangement niya sa mansyon at nagtanong na rin ito tungkol sa naging pakitungo sa kaniya ni Stefano. Bagamat nagtataka si Elsa kung bakit napadpad na ng ilang beses si Stefano sa kanilang lugar ay hindi naman niya ito binigyan ng malaking kahulugan.

"Okay naman po tita. Iniwanan lang po ako sa garden hanggang sa matapos. Nasa loob po ng bahay si Stefano kaya hindi na kami nakapag-usap." muling pagsisinungaling ni Derie May sa taong kumupkop sa kaniya. Hindi niya inamin ang totoong ginawa nila ni Stefano sa loob ng mansyon dahil alam niyang malilintikan siya rito.

"Mabuti naman kung gano'n. Sige na, magpahinga ka na."

Dahil nakasuot ng Jacket si Derie May ay hindi napansin ni Elsa ang mga pulang marka sa leeg nito na si Stefano ang gumawa. Nawala rin sa loob ni Derie May na may mga marka siya sa leeg. Nakita na lang niya ito nang nasa loob na siya ng banyo. Do