Chapter 54

Tahimik lang si Rizza habang nasa biyahe sila patungo sa park kung saan nila susunduin si Kira na best friend niya. Abala ang isipan niya sa tanong ni Drake kanina bago siya lumabas sa kuwarto nito kung may laman na nga ang sinapupunan niya. Hindi siya mapakali habang iniisip niya 'yon. Nagi-guilty siya sa ginagawa niya. Umaasa si Drake na mabubuntis siya para magkaroon siya ng anak na magiging tagapagmana ng lahat ng ari-arian at kayamanan ng pamilya niya ngunit hindi naman niya ginagawa ang naging kasunduan nila. Sa ginagawa niyang 'yon ay talaga namang masasabi na niloloko niya ito pati ang sarili niya.

"Nandito na po tayo sa park. Nasaan na po ba ang best friend mo?" basag ni Diego ng katahimikan sa loob ng kulay puting van na sinasakyan nila. Tinatanong niya si Rizza kung nasaan na ang best friend nito na susunduin nila. Huminto na nga ang sinasakyan nila na van dahil nasa tapat na sila ng park kung saan nila susunduin si Kira.

Napakurap-kurap tuloy si Rizza. Nabigla siya siya n