Chapter Fifteen

Chapter Fifteen: Kiss

Buong araw akong umiyak sa condo ni Stella. Hindi na ako umuwi sa condo ko pagkatapos ng nangyari sa kaisipan na baka puntahan ako ni Steff doon at baka mabawi ko pa ang lahat ng nasabi ko.

Isang linggo ang lumipas, patuloy ang kaso nila Kuya at tuloy ang hearing nila. Next week na ako aalis ng Pilipinas at nakapag book na ako ng ticket papuntang Korea. Habang mangiyak ngiyak akong nag aayos ng gamit ay bigla akong nakaramdam ng hilo. Sa una ay akala ko normal na hilo lang pero kalaunan ay bigla naman akong nakaramdam ng pagsusuka kaya naman mabilis kong tinakbo ang daan patungong comfort room ng makaramdam ng pagsusuka. Pagkarating ko ro'n ay agad kong hinarap ang toilet bowl at nagsuka roon.

Napahigpit pa ang yakap ko sa gilid ng toilet dahil sa buong lakas ng pagsusuka. Kulang nalang ay isuka ko na ang bituka ko para lang maibsan ang pagbabadya ulit na pagsuka.

Kumuha ako ng tissue at pinunasan ang luhang nagkalat sa mata ko. Ngunit nasa kalagitnaan palang ako