Chapter 51

Chantria

Sa sobrang daming ginagawa sa school ay hindi ko na namalayang palapit na nang palapit ang graduation namin. Naghahanda na kami para sa defense namin mamaya at hindi na naman ako mapakali.

Alam kong naghanda kami para sa araw na ‘to pero hindi pa rin talaga mawala ‘yong mga daga sa tiyan ko dahil sa sobrang kaba. Miski sina Lorreine at Louella ay pabalik-balik na at paulit-ulit sa pagkakabisa ng mga sasabihin nila.

Tanging si Iwatani nga lang ang kalmado at nakapikit lang sa isang gilid na para bang handang-handa na siyang sumabak kanina pa.

“I’ll really pay a lot to get that confidence of yours, Iwatani,” komento ni Lorreine. “Hindi ko alam kung paano mo nagagawang maging kalmado sa mga ganitong pagkakataon.

Dinilat ni Iwatani ang kaniyang mga mata at saka tiningnan si Lorreine. “I’m also nervous. Ganito lang ang paraan ko para pakalmahin ang sarili ko.”

Napatango na lang ito. “Hindi halata, ah? Ang kalmado mo kayang tingnan.”

Hindi na namin naituloy ang sasabihin namin nang