Chapter 53

Chantria

Nakapunta na ako sa bahay nina Gab noon pero hindi ko pa rin mapigilan talaga ang mamangha. Pwedeng makasama ang bahay nila sa pinakamagandang residential sa buong Pilipinas, kung hindi man sa buong mundo.

Kahit na nakita ko na ‘to noon ay namamangha pa rin ako sa lawak ng garden nila at ang mala-palasyong bahay nila. Miski ang mga katulong nila ay kumikinang sa paningin ko. Ako lang yata ang naligaw rito at mukhang basahan.

“I heard you’ve already come here once,” ani Mr. Guanzon nang makalabas kami ng sasakyan. “I know it might be uncomfortable being with me, but please feel at home.”

“Yes, Sir. Thank you.”

“And please don’t call me sir. Call me tito.”

Napaawang ang bibig ko at mabilis na napatingin kay Gab. Tumango lang siya kaya naman tumango rin ako. “Okay po, Tito. I will.”

Nang makapasok kami sa loob ay dumeretos kami sa sala. Pinaghanda na kami ng pagkain ng mga maid nila sa dining. Naghintay muna kami sa sala habang nagkukuwentuhan. Hindi agad nagbihis si tito ng dam