Chapter 60

Chantria

Nagpaalam ako na pupunta lang ng CR nang makuha ko ang shirt ni Iwatani. Kulay itim iyon at medyo malaki sa ‘kin. Nag-tuck in na lang ako para hindi masyadong magmukhang malaki.

Paglabas ko ng cubicle ay nakita ko sina Lorreine at Louella kasama ang ilan pa naming mga kaklase. Nag-re-retouch na ang ilan sa kanila kahit na pauwi na rin naman daw sila. Nag-stay na lang din muna ako at naghilamos ng mukha.

“Okay ka lang?” tanong ni Louella. “Ang laki ng stain sa damit mo kanina. Sa tingin mo matatanggal pa ‘yan?”

Nagkibit-balikat ako. “Siguro. Iced tea lang naman ang tumapon.”

Nilagay ko sa isang plastic ang nadumihan kong damit. Maliit lang ang dala kong bag kaya hindi ko malalagay ‘yon sa loob. Pauwi na rin naman kami kaya bibitbitin ko na lang ‘to.

“May relasyon ba kayo ni Iwatani?” Napatingin ako kay Rizelle dahil sa naging tanong niya. “Huwag ka ma-offend o kung ano, ah? Curious lang din kasi kami.”

Napatingin ako sa mga kaklase na naghihintay rin ng sagot. Miski si Makino