Chapter 100: Alpha God Tartarus’ Plans

THIRD PERSON’S POV

“Isang malaking suliranin kung gano’n ang nangyari,” saad ni Alpha Goddess Hely sa lahat.

Kasalukuyan silang nasa pagpupulong ngayon sa bulwagan ng akademya. Nagpatawag ng pulong sina Green, at Yazenth tungkol sa nangyari kay Green kanina.

Naagaw din ang atensyon ng lahat, maging si Alpha Goddess Hely, Queen Affinity, God Rain, God Astrid, at Goddess Heldy sa nangyari dahil nakita nila ang malakas na liwanag na umangat sa kalangitan. Naramdaman din nila ang malakas na enerhiyang nagmumula sa dormitoryo ng mga babae. At lahat sila ay hindi napigilan ang mangamba kanina sa nakita. Hindi nila alam kung ano ang nangyayari dahilan kung napagdesisyonan nilang puntahan ito ngunit huli na noong nawala ito.

Pagkatapos niyon ay ang paglabas nina Green mula sa dormitoryo. Kitang-kita sa pagmumukha nilang lahat ang kakaibang takot na hindi maipinta. Maging si Green ay tila umurong ang dila noong mga sandaling iyon. Hindi niya alam kung ano ang sasabihin, at kung paano ipapaliwa