Chapter 81: Memories From The Past

THIRD PERSON’S POV

Kasalukuyan ngayong nakadungaw sa balkonahe ng isa sa gusali sa Royal Academy si Green. Kitang-kita niya sa field ang mga estudyante na nagsasanay, at ilan pa sa mga Gods and Goddesses na handang lumaban para sa digmaan.

Nakikita niya ang kaniyang sarili sa kanila n'ong nag-aaral pa siya sa akademya. At hindi niya maiwasan na maalala ang lahat ng kaniyang karanasan dito. Maraming mga hindi magandang nangyari sa kaniya rito sa akademya n'on. Ang pananatili rin niya rito ay nagpapaalala lamang sa kaniya ng hindi magagandang nangyari n'on. Kaya simula n'ong bumalik ang alaala at katawan niya ay hindi na pa ulit siya bumalik dito para maiwasang masaktan sa mga alaalang bigla na lang dumadaloy sa kaniyang isipan tuwing nakikita niya ang lugar na ito.

Hindi rin niya mapigilang isipin si Leaves. Nang magising siya kanina pagkatapos ng limang araw na walang malay ay hindi na nawala sa kaniyang isipan ang kaniyang kapatid — kung nas'an siya o kung ano na ang nangyari sa kani