Chapter 84: Lair Of Enemies

THIRD PERSON'S POV

Dumating na ang oras nang pag-alis ni Green. Nakahanda na lahat ng dadalhin niya, at higit sa lahat ay handa na siya sa kaniyang gagawin.

Agad niyang isinukbit sa kaniyang katawan ang shoulder bag na dadalhin niya. Nasa loob ng bag na ito ang mapa na kinuha niya sa silid aklatan ng akademya. May dala rin siyang mga potion na maaari niyang magamit mamaya. Ang mga iyon ay ginawa lamang niya kanina. Inaral pa niya ang paggawa ng mga iyon mula sa mga libro na kinuha niya kasabay na mapa. Sa kabutihang palad ay nagawa niya ito nang maayos gamit ang kaniyang kapangyarihan at mga kapangyarihan na mula sa mga Infinity Gems.

Nang handa na siya ay naglakad na siya palapit sa pinto ng kaniyang silid at maingat niya itong pinihit at saka binuksan nang dahan-dahan upang hindi magbigay ng ingay na maaaring marinig ng iba, lalo pa't nasa kabilang silid lamang sina Celeste at Scarlet.

Maingat siyang naglakad sa hallway. Mula sa hallway ng girl's dormitory ay matatanaw niya ang mga