Chapter 92: Celeste

CHAPTER 92: CELESTE

THIRD PERSON'S POV

Ilang minuto na nang umalis sina Yazenth upang sundan at hanapin si Green. Tapos na ang panggagamot nina Goddess Heldy, at Queen Affinity, kasama na ang mga Healers sa mga sugatan sa labanan.

Gaya ng inaasahan nila ay may masasawi at masusugatan sa labanan, ngunit laking pasasalamat pa rin nila na hindi ganoon karami ang bilang nito.

Kaya nang matapos nilang gamutin ang nga sugatan ay nagpatawag muna ng isang mahalagang pagpupulong si Alpha Goddess Hely upang ipaalam sa kanilang lahat ang tungkol sa kaniyang pinuntahan at nalaman.

Nagtungo sila sa bulwagan ng akademya, at hindi agad nagsayang ng oras si Alpha Goddess Hely. Agad niyang sinabi ang kaniyang mga nalaman.

“Una sa lahat, humihingi ako ng kapatawaran kung nahuli ang aking pagdating. May bagay akong ginawa na makakatulong sa ating lahat, lalong-lalo na kay Green,” pag-uumpisa niya.

Nakinig naman ang lahat sa sasabihin niya.

“Hindi natuloy sina Green sa kanilang paglalakabay papuntang Dem